www.amude.com
www.amude.com - serbixwe, çandî, giştî Erşîva nûçe û berhemên malperê

[destpêk| muzîk| huner| ziman| epirtûk| nerîn| belgexane| emaila te]
[lînk| e-kert| chat| mêvanxane| alîkarî| erşîv| amûdank| wêne| têkilî]

30.04.2004 - 13:25
Berpirsê kurd

Pîr Rustem - EFRÎN (amude.com) - Gotineke ewropiyan li ser me heye Jonathan Randall j ew gotin di pirtka xwe ya li ser nav "Miletek di perebn de" diesipne, dema ku ew dinivse: "Tiştn ku kurd di şer cengan de bi dest dixnin, di rniştinn xwe yn li ber masn danstandinan de didin der." [Bixwîne]

30.04.2004 - 09:24
Li Zanîngeha Bochumê şevek bo filmê kurdî

BOCHUM (amude.com) - Îroj, derhênerê kurd Mano Xelîl dê bibe mêvanê Zanîngeha Bochumê û li wê derê filmê xwe "Xewnên Rengîn" pêşkêş ke. Herweha ew dê li ser xebata xwe biaxive. Xelîl di 1964an de li Qamişloyê ji dayik bûye û niha li Swêsrayê dijî. Filmê wî "Xewnên Rengîn" di 2003an de hate çêkirin. Programa îşev li Kultur-Café di avahiya Zanîngeha Bochum^de li dar dikeve. Destpêk demjimêr 20.00 e.


>> Kurdan li pêşiya Parlamana Elmanyayê protesto kir

30.04.2004 - 08:55
Kurdên Berlînê çalakiyeke protestoyê li pêşiya Parlamana Elmanî li dar xist

BERLÎN (amude.com) - Çarşema borî, di Parlamana Elmanyayê de pirs li ser rewşa kurdan li Suryayê ji hikumeta elmanî ve hatin kirin. Li pêşiya paralamanê, 28 kurdên Berlînê bi şêweyekî taybetî rewşa kurdan li başûrê-rojavayî Kurdistanê û herweha êrîşên ji aliyê rêjîma Suryayê ve li dijî kurdan protesto kirin. Kurdan li pêşiya parlamanê porê xwe kurkirin û xwestin bi vê yekê xemgîniya xwe ji bo şehîdên kurd eşkere bikin. Ev çalakî ji aliyê Komelgeha Kurdên ji Suryayê li Berlîn/Brandenburg û partiyên kurdî ve hatibû amadekirin. Çalakvanan doseyeke berfireh li ser bûyerên dawî li başûrê-rojavayî Kurdistanê radestî partiyên elman di parlamanê de kir. [Wêneyên çalakiyê]

25.04.2004 - 15:03
rn li ser maln Kurdn Suriy

AMD (amude.com) - Pit byern Qamilo, desthilata Sriy bihin alavn bi cure cur rab ji ber berxwedana gel kurd li hember zor sitem kariya ko hzn parastina Sry li beramber kurdan li bajar Qamislo rabn di destpk [Bixwîne]

25.04.2004 - 02:11
Wezîrê Parastinê yê Suryayê bi kurdan re rûnişt

ŞAM (amude.com) - Do, wezîrê parastinê yê Suryayê Mistefa Atlas li Şamê bi herçar partiyên Hevbendiya Demoqrat a Kurdî li Suryayê re rûnişt û li wan guhdar kir. Serokê Partiya Yekîtî ya Demoqrat a Kurdî li Suryayê Ismaîl Umer (Emo) ragihand koçka "12ê Adarê Serhildana Qamişlo" ya paltalkê, ku ew, Hemîdê Hecî Derwîş (Pêşverû), Nesridîn Ibrahîm (Alparty) û Mihemed Musa (Çep) li gel Atlas rûniştîn û doza serbestberdana girtiyên kurd û herweha vegera xwendekarên kurd bo zanîngehên wan kir. Herweha wî ragihand, ku Atlas dê daxwazên kurdan ragihîne serokê Suryayê Beşar el-Esed. Hêjayî gotinê ye, ku Atlas xwestibû bi taybetî partiyên Hevbendiyê bibîne û ne tikesî din. Ev yek bû sedema nerazîbûnekê ji aliyê partiyên kurdî yên din ve.

25.04.2004 - 12:00
Programeke taybetî li ser bakurê Kurdistanê di radyoya Aştî de

STOCKHOLM (amude.com) - Radyoya Aşt R. irbar bi hevkariya Radyo Xak dê îroj êvarî, demjimr 21:00 - 23:00, bernameyek taybet li ser rewşa bakurê Kurdistana berendametiya Tirkiy bernameyeke taybetî di gel çend nûnern rxistinn siyas şehrezayn siyas li dar xîne. Program d bi rka Paltak li odeya "ra Deng Kurdistan" bi awayekî zind belav dibe. Mêvanên bernameyê ev in: Nûner KNK Mehmud Colak, serok Federasyon li Swed Keya Îzol, sendîqevan Ehmed Karamus, lkoliner Osman Aytar û endama Parlamana Ewropayê Feleknas Uca. [www.radioasti.com]

24.04.2004 - 10:42
HEYAMA NÛ (I)

PARÎS (ÊVAR BAŞ) - Di nivîsareke li jêr navê "Heyama nû, an j dema kesn ku gir bera bnderan didin, an j ser tgihiştineke edeb ya n" de, romannivîs Ibrahîm Seydo Aydogan li ser rewşa berhem, nivskar weşangern kurd radiweste. Aydogan eşkere dike, ku divê êdî mirov bêtirs tiliyên xwe bixe nav birînan. Ew pêwîstiya hebûna "heyameke nû" dibîne, da ku rewşenbîriya kurdî û pê re jî civaka kurdî bi pêş ve biçe. [Bixwîne]

23.04.2004 - 13:40
Di Paltalkê de semînarek li ser rojnamevaniya kurdî

PARÎS (amude.com) - Koçka "12ê Adarê Serhildana Qamişlo" ya Paltalkê dê sibe (24ê mehê) semînarekê ligel lêkolîner Kawa Arnasî Isko li ser 106 saliya rojnamevaniya kurdî li dar xîne. Semînar dê demjimêr 21.30 dest pê bike.

22.04.2004 - 13:38
Ciwanekî kurd ji ber işkenecekirinê nema dikare biaxive

QAMIŞLO (amude.com) - Piştî işkencekirineke berdewam ji aliyê rêjîma Suryayê ve, ciwanekî kurd bi navê Hisên Ebdê Hisên do hate şandin bo nexweşxaneya "banka xwînê" li Qamişloyê. Hisên ne dikare xwe bilivîne û ne jî zimanê xwe bilevîne û biaxive. Hate ragihandin, ku ew rastî işkencekirineke elektrîkê ya dijwar hatibû. Hisên ji taxa Qudur Bek a Qamişloyê ye. Li aliyekî din, navên sê kurdên din hatin diyarkirin, ên ku ji 13ê adarê ve winda bûbûn. Ew li cem ewlekariya leşkerî hatine girtin. Navên wan ev in: Mihemed Silêman Tahir, Ilwan Tahir û Nuredîn Hesko.

22.04.2004 - 13:31
Li Kobanî 6 şagirtinên kurd hatin girtin

KOBANÎ (amude.com) - Piştî girtina bi sedan ji kurdên Kobanî, hêzên ewlekariyê yên rêjîma Suryayê vê dawiyê 6 şagirtinên dibistanên bajêr girt. Navên wan ev in: Beyan Husn kur Nezm, Ebdilselam Şxo kur Eta, Mihemed Mihemed, Qasim Ebidela, Şiyar Hemo kur Mehmd û Welat El.

22.04.2004 - 13:30
Kebul dixwaze ku bajarê Amûdê gemarî bimîne

AMÛDÊ (amude.com) - Parêzgerê herêma Hisiçayê Selîm Kebul ferman da şaredariya bajarê Amûdê, ku ji roja îro û pê ve êdî bes kolanên bajêr paqij bike. Bi vê yekê dê nexweşiyên ji ber gemarê çêbibin û bajar bikeve ser rêya xerabiyê. Hêjayî gotinê ye, ku kurdên başûrê-rojavayî Kurdistanê Kebul berpirsyarê bûyerên dawî li bajarên xwe dibînin û doza tawanbariya wî li pêşiya dadgehekê dikin.

21.04.2004 - 20:42
Filmê serkevtina kurdan li Berlînê

BERLÎN (amude.com) - Do li Berlînê, dora 200 kurdan konferanseke ji bo wezîra Suryayê Dr. Buseyna Şaban têkbir. Komelgeha Kurdên ji Suryayê li Berlîn/Brandenburg ev çalakî amade kiribû û kurtefilmek li ser bûyerên wê gihand Malpera Amûdê. Di vî filmî de, mirov dibîne bê çawa kurdan nehişt ku Şaban gotina xwe bibêje û piştre ji salonê bireve. [Li film temaşe bike]

21.04.2004 - 10:22
Hevpeyvînek Radyoya Aştî li gel berpirsê Malpera Amûdê

STOCKHOLM (amude.com) - Do, radyoya Aştî ya kurdî li paytexa Swêdê Stockholm li ser rewşa başûrê-rojavayî Kurdistanê û herweha çalakiyên kurdan li Elmanyayê hevpeyvînek li gel berpirsê Malpera Amûdê Sîrwanê Hecî Berko pêk anî. [Li hevpeyvînê guhdar bike] [www.radioasti.com]


20.04.2004 - 20:16
Kurdên Berlînê şampanyaya wezîra Suryayê Dr. Buseyna Şaban vexwar û hişt ku ew bireve

BERLÎN (amude.com) - Li Berlînê, dora 200 kurd beşdarî konferanseke wezîra Suryayê Dr. Buseyna Şaban bûn û bi dirûşm û parolên xwe hiştin ku Şaban ji tirsa re bireve. Kurdan kasêta kamereya televizyona surî ji karmendê televizyonê stand. Herweha wan şampanyaya ku ji bo wezîrê hatibû amadekirin, vexwar û bi vî rengî "pêşwaziyeke" baş ji wezîrê re kir. Ev çalakî ji aliyê Komelgeha Kurdên ji Suryayê li Berlîn/Brandenburg hate amadekirin. Komelgehê ragihand Malpera Amûdê, ku "wezîra surî dikare hertim bi xêr" biçe Berlînê û ew dê bi "xabata ji bi pêşwaziyeke hêja" rabe. Ji bilî kurdan, dora 50 dostên rêjîma Suryayê beşdarî konferansê bûbûn. Li gorî agahiyên komelgeha Berlînê, kurdan dikarîbû hertiştî li gorî daxwazên xwe bikin, ji ber wan hertiş xist bin kontrola xwe. Lê ti xerabî nehatin kirin.

20.04.2004 - 11:09
Li Berlînê dê perdeya li ser tabloyeke bibîranîna şehîdên kurd bête rakirin

BERLÎN (amude.com) - Îroj li Berlîna paytext, dê perde li ser tabloya bibîranîna herçar şehîdên kurd endamên Partiya Demoqrat a Kurdistanê (Îran), Dr. Sadiq Şerefkendî Fetah Ebdulî, Homayun Erdelan û Nurî Dehkurdî, yên ku di 17.09.1992an de di xwaringeha Mykonos de ji aliyê ajanên rêjîma Îranê ve hatin kuştin, bête rakirin. Hikumeta Îranê çend caran hewil da, ku nehêle ev yek pêk were, lê elmanan li wan guhdarî nekir. Li ser tabloyê hatiye nivîsandin, ku ew 4 kurd ji aliyê desthilatdarên Îranê yên wê demê ve hatibûn kuştin. Perdeya li ser tabloyê dê demjimêr 17.00e li taxa Berlînê Charlottenburg-Wilmersdorf bi beşdarbûna bi sedan ji kurdan bête rakirin. [Bixwîne]

20.04.2004 - 14:12
Li Elmanyayê yekemîn firoşgeha internêtê ya kurdî ji bo tirimbêlan vebû

STUTTGART (amude.com) - Yekemîn firoşgeha internêtê ya kurdî ji bo bazarganiya tirimbêl û tiştine din li Elmanyayê dest bi xebata xwe kir. Malpera "Noicon Center" bi zimanên kurdî, erebî, farisî, elmanî û ingilîzî derfetê dide herkesî ku di rêya wê re tiştên xwe ji bo firotinê pêşkêş bike. [www.noicon-center.com]

20.04.2004 - 00:10
Hevpeyvn ligel Dr. Ebdulbasit Seyda li ser rewşa başûrê-rojavayî Kurdistanê

STOCKHOLM (amude.com) - Li ser rewşa başûrê-rojavayî Kurdistanê û herweha derbarî çalakiyên kurdan li derveyî welat, radyoya Aştî ya li Stockholmê di programa xwe ya berî du rojan de hevpeyvînek li gel lêkolînerê kurd Dr. Ebdulbasit Seyda pêk anî. Hêjayî gotinê ye, ku radyoya Aştî bi şêweyekî berfireh û berdewam bi xebata ragihandina bûyerên li başûrê-rojavayî Kurdistanê û herweha çalakiyên kurdên Binxetê radibe. [Guhdar bike] [www.radioasti.com]

19.04.2004 - 12:55

Mihemed Bengo
Li Amûdê gelek kurd hatin girtin hate nûkirin

AMÛDÊ (amude.com) - Hêzên ewlekariya leşkerî yên surî îroj li bajarê Amûdê bêtirî 10 kesan girt. Hin ji girtiyan zarok û ciwan in. Herweha helbestvan Mihemed Bengo (Bavê Tosîn) hate girtin. Hin navên girtiyan, ên ku gihan Malpera Amûdê, ev in: Remedanê Xano, Umar Eyşo, Serdar Silêman, Ekrem Xanî Sorî, Şêxmus Hisênê Îdê, Ronak Gunreş, Nayif Ebuliz, Ebdo Silêman Şingalî û Mihemed Ibrahîm (gundê Sinceqê). Hêjayî gotinê ye, ku li bajarên kurdî dest bi baraneke xurt kiriye. Kurd ji mêj ve li hêviya baranê bûn. Lê girtinên ku pêk tên, bû sedema ku kurd bi baranê zêde kêf nekin.

18.04.2004 - 15:02
Kurdan "gurzek gul" ji rêjîma Suryayê re şand û hişt ku "Hefteya Surî" têk biçe

DRESDEN (amude.com) - Rêjîma Suryayê pêkanîna "Hefteya Surî" li bajarê Dresden li Elmanyayê rawestand. Ev çalakî dê îroj dest pê kiriba û 6 rojan berdewam kiriba. Bi xebata xwe ya protestoyê û herweha agahdarkirina siyasetvan û dezgehên elmanî, yên ku dê beşdarî çalakiyên baasiyan bibana, li ser binpêkirina mafên kurdan li Suryayê û herweha rewşa kurdan a teze li başûrê-rojavayî Kurdistanê, elmanan beşdarbûna xwe kişand û rêjîma Suryayê mecbur kir, ku çalakiyên xwe pêk neyne. Hejmareke mezin ji kesayetî, siyasetvan û dezgehên rêjîma Suryayê dê beşdarî "Hefteya Surî" bûbûna. Rêjîmê dora 150.000 Euro ji bo amadekirina van çalakiyan xerc kiribû. Di vê deqeyê de, dora 500 kurd li bajarê Dresden li dijî rêjîma Suryayê protesto dikin. Ji ber ku nûçeya têkçûna "Hefteya Surî" ji do de belav bûbû, bi sedan kurd li malên xwe man û pêwîstiya çûna Dresden nema dît. Raporeke berfireh nêzîk di Malpera Amûdê de.


>> Kurdan wezîra surî Dr. Buseyna Şaban û rêjîma Suryayê protesto kir

17.04.2004 - 16:06
Dr. Buseyna Şaban hat, dît û têkçû

HAGEN (amude.com) - Dora 100 kurdên Binxetê îroj li bajarê Hagen li Elmanyayê wezîra Suryayê ya hemwelatiyên li derveyî welat Dr. Buseyna Şaban û rêjîma Suryayê proteso kir. Komîteyek ji nûnerên partiyên kurdî karîbû dora 15 deqeyan bala Şaban bikşînin ser pirsa kurdî li Suryayê û herweha daxwazên xwe ragihînin wê. Dr. Buseyna Şaban ragihand Malpera Amûdê, ku "destên hin cihine biyanî li pişt bûyerên dawî yên li başûrê-rojavayî Kurdistanê ne. Herweha wê got, ku "ji bilî çend kurdên ku bi karê xerabiyê rabûbûn, ti kurd di girtîgehên Suryayê de tune ne û ti kes ne tê işkencekirin û ne jî kuştin." Şaban eşkere kir, ku hemî wêne û vîdyoyên ku hatine belavkirin, sexte û dûrî rastiyê ne. Raporeke berfireh nêzîk di Malpera Amûdê de.

17.04.2004 - 09:10
Li Elmanyayê komcivînek bo sazkirina "Hikumeta başûrê-rojavayî Kurdistanê li derveyî welat"

DORTMUND (amude.com) - Bi inîsyatîva Kongireya Niştimanî ya Kurdsistan, a ku serokê wê Cewad Mele ye, dê yekşema 25ê vê mehê li bajarê Herne li Elmanyayê komcivînek vekirî bo sazkirina "Hikumeta başûrê-rojavayî Kurdistanê li derveyî welat" li dar keve. Malpera Amûdê daxuyaniya komîteya amdekar a bi zimanê erebî wergirt û ew di beşê erebî de weşandiye. [Bixwîne]

16.04.2004 - 08:42
Li Stockholmê komcivîneke vekirî ji bo piştgiriya başr-rojavayî Kurdistanê

STOCKHOLM (amude.com) - Sibe, li paytexta Swêdê Stockholm komcivîneke komcivneke vekir ji boy kurdn başûrê-rojavay Kurdistan, yn ku li şaredariya Stockholm rdinin, li dar dikeve. Di vê komcivînê de, dê li ser şweyn kar riyn piştgiriya gelê kurd li başr-rojavayî Kurdistan bête guftûgokirin. Komcivîn ji boyî kurdên başûrê-rojavay Kurdistan vekirî ye. [Bixwîne]

16.04.2004 - 08:15
Kurdên Swêdê dê komkujiya li Kurdistanê protesto bikin

STOCKHOLM (amude.com) - Bi helkefta 40 rojiya komkujiya li başûrê-rojavayî Kurdistanê, kurdên li Swêdê dê roja çarşema 21ê vê mehê li Stockholma paytext xwenîşandaneke protestoyê li dar xînin. Çalakî li "Sergels Torg" li dar dikeve û ji 16.30 ta 18.00 didomîne.

16.04.2004 - 08:05
Pirtûkeke nû li ser kurdan û dewleta Suryayê

PARÎS (amude.com) - Li Fransayê, pirtûkek bi zimanê erebî bi navê "Kurd û damezirandina dewleta surî" ji aliyê Xalid Welî Îsa ve derket. Naveroka vê pirtûkê, ya ku ji 220 rûpelan pêk tê, li ser dîroka gel kurd li Suryayê damezirandina dewleta surî ye. Ev pirtûk beşek ji lêkolîneke akadîmî ye, ya ku Îsa li Zanîngeha Parîsê pêşkêş kiribû. [Bixwîne]

16.04.2004 - 08:00
Li Hisiçayê keçeke kurd hate kuştin

Şiyar - QAMIŞLO (amude.com) - Ji ber ku keçeke kurd li bajarê Hisiça li Suryayê zewaca bi wî re nepejirand, mêrekî ereb do pêşî ew keç û piştre jî xwe jî kuşt. Hewildanên mêrê ereb ji bo zewacê ji zûde hebûn, lê keça kurd ew ji xwe re wekî mêr nedipejirand.

15.04.2004 - 17:31
Baasiyên Ewropayê ji ber kurdan ketine qelaqê

BERLÎN (amude.com) - Piştî belavkirina nûçeya çalakiyên protestoyê ji aliyê kurdan ve li dijî "Hefteya Surî" li bajarê elmanî Dresden, baasiyên li Elmanya û herweha ji hin welatên din ên Ewropayê ketine qelaqeke mezin û ji tirsa têkçûna çalkiyên xwe hemî hewldanên xwe ji bo rawestandina protestoyên kurdan dikin. Bi telefon û di rêya kesine cuda re, amadekarên çalakiyan bi dehan caran bi kurdan re axivîn û ji wan tika kir, ku roja 18ê mehê bi ti çalakiyên protestoyê ranebin. Mêvanên "Hefteya Surî" ên elman jî piştî bihîstina rewşê, ragihandin ku ew dê bi partî û dezgehên xwe re li ser beşdarbûna xwe yan nebeşdarbûna xwe bişêwirin.

15.04.2004 - 03:56
Çalakiyên rêjîma Suryayê yên li Elmanyayê dê bêne protestokirin

BERLÎN (amude.com) - Li bajarê Dresden li Elmanyayê, dê ji 18-24ê vê mehê "Hefteya Surî" li dar keve. Komek ji siyasetvan û kesayetiyên rêjîma Suryayê dê beşdarî vê çalakiyê bibin. Çalakiyên vê hefteyê dê ji bo rêklam û herweha piştgiriya siyaseta rêjîma surî werin bikaranîn. Kurdên ji Elmanyayê û herweha ji hin welatên din ên Ewropayê dê çalakiyên protestoyê li dijî vê hefteyê li dar xînin. Ji bo roja 18ê mehê xwepêşandanek tê amadekirin. "Hefteya Surî" dê li jêr sîwana wezîra Suryayê ya hemwelatiyên li derve Dr. Buseyna Şaban li dar keve. [Bixwîne]

15.04.2004 - 03:45
Bang ji Bo Kerkuk

Dr. Felat Dilgeş - STENBOL (amude.com) - Ji bo end rojan be j, cardin riya me bi Kurdistana başr, bi axa azad proz, ket.
Ji bo end rojan be j, me dsa hewa welat azad kişand nav dil hinavn xwe, di bihareke rengn a kurdistan de me azad serbestiy bhn kir. Me ber xwe da bajarn Duhok, Hewlr, Msil Kerkuk em cardin li kue kolann dil Kurdistan, li Kerkuka baskşikest geriyan. [Bixwîne]

15.04.2004 - 03:40

Sebrî Xelo Sîtî
Helbestvanê gelêrî Sebriyê Xelo Sîtî çû ser dilovaniya xwe

AMÛDÊ (amude.com) - Berî çend rojan, helbestvanê gelêrî yê navdar Sebriyê Xelo Sîtî li bajarê Amûdê çû ser dilovaniya xwe. Xelo Sîtî helbestên xwe nedinivîsandin û ew bi dev digotin. Ji ber vê yekê helbestên wî yên nivîsandî tune ne. Bi koçkirina wî, gelê kurd beşekî mezn ji dewlemendiya xwe ya gelêrî winda dike. Ji ber bûyerên dawî yên li başûrê-rojavayî Kurdistanê û Suryayê, mirina Xelo Sîtî bêdeng derbas bû.

13.04.2004 - 02:11
Li Swêdê konferansek ji bo avakirina dezgehekê ji bo rewşenbîrên Binxetê yên li derveyî welat

STOCKHOLM (amude.com) - Komek ji nivskar, rojnameger hunermendn şwekar ên başr-rojavay Kurdistan ji çend welatin ewropî dê rojên 23, 24 25 vê mehê li bajarê Sandviken li Swêdê li hev bicivin û li ser hewildana avakirina dezgeheke rewşenbr ya alak yekgirt guftûgo bikin. Malpera Amûdê li vê derê vexwendina komîteya amadekar a vê civînê diweşîne: [Bixwîne]

13.04.2004 - 01:49
Pirsa Kurdî li Suryayê di Parlamana Swêdê de

STOCKHOLM (amude.com) - Bi insyatva Partiya Gel a Swêdî "Folkpartiyet", Parlamana Swd d îroj li ser pirsa kurd li Suryay guftgo bike. Wezîra Derve ya Swêdê Laila Freivalds dê bersiva pirsên endamên parlamanê li ser rewşa kurdan li Suryayê bide. Ev mijar dê demjimêr 14.00 dest pê bike.

10.04.2004 - 20:43
Birêvebirek Partiya Yekîtî di zindanê de ye

QAMIŞLO (amude.com) - Hêzên ewlekariya leşkerî yên surî ji 1ê nîsanê ve siyasetvanê birêvebir ê Partiya Yekîtî ya Demoqrat a Kurd li Suryayê Mehmud Mihemed (Bavê Sabir) girtiye. Mehmud Mihemed li gel hin siyasetvanên din ji 7ê adarê ta 1ê nîsanê serdana başûrê Kurdistanê kiribû û beşdarî çalakiyên bibîranîna şehîdên 1ê şibatê bûbû. Dema ew vegeriya malê, dora 40 polîsan êrîşî mala wî kir û ew girt.


09.04.2004 - 21:14
Rêjîma Suryayê kurdan terore dike

AMÛDÊ (amude.com) - Li bajarê Amûdê, do û îroj bi dehan ji kurdan hatin girtin. Leşkerên rêjîmê bi şêweyekî hov êrîşî dikan û malên kurdan kir û jin û mêrên kurd girt û ew bi xwe re birin işkencegehan. Hêzên ewlekariyê yên taybet bi hejmareke mezin ji tirimbêlan diçin cem kurdan û bi çekên xwe û herweha qerebalix û devavêtina xerab dixwazin kurdan bitirsînin û ji wan re eşkere bikin bê kî xwedî hêz e. Rêjîm dixwaze dîsa dîwarên tirsê bixe nav kurdan. Malpera Amûdê li vê derê navên hin girtiyan diweşîne. [Bixwîne]

07.04.2004 - 15:21
Li Amûdê girtina kurdan berdewam e (hate nûkirin)

AMÛDÊ (amude.com) - Ji do de, hêzên ewlekariyê yên surî li gel leşker û hêzên taybetî dest bi girtina kurdan li bajarê Amûdê kirye. Ta niha bêtirî 200 kurd ji Amûdê û gundên wê hatine girtin. Berpirsek ji Partiya Demoqrat a Kurdî li Suryayê (el-Party) Wehîd Ehmed piştî ku hate girtin, dîsa serbest hate berdan. Hin ji girtiyan ji malbatekê ne. Li gorî agahiyên ku gihan Malpera Amûdê, mêrek bi hêzên surî re hatibû û wî kurdên ku hatin girtin, eşkere dikir. Ti kes nizane bê ev mêr kî ye. Du girtî hîn zarok in û temenê wan 14e salî ye. Yekî din 60 salî ye. Li vê derê em navên hin girtiyên Amûdê diweşînin: [Bixwîne]

07.04.2004 - 14:56
Dengbêj Mihemedê Torî çû ser dilovaniya xwe

DÊRIKÊ (amude.com) - Dengbêjê kurd Mihemedê Torî (Bavê Sekvan) îroj li bajarê Dêrikî li başûrê-rojavayî Kurdistanê çû ser dilovaniya xwe. Jimara telefonan bo sersaxiyê: 756761 (Sekvan Torî) û 0049 1725849048 (Dr. Yasîn Dêrikî, Elmanya).

06.04.2004 - 23:15
Bajarê Amûdê jî bû armanca girtinan

AMÛDÊ/DÊRIKÊ (amude.com) - Hêzên ewlekariyê yên surî îroj li bajarên Amûdê û Dêrikê bi dehan kurd girtin û ew zindankirin. Kurdên ku hatin girtin, ji aliyê polîsan ve naskirî bûn û ew bi zanebûn hatin girtin. Kesên ku hatin girtin, çavên wan ji aliyê polîsan ve bi rîbanên reş hatin girtin. Ta roja îroj hîn ti girtinên mezin nehatibûn kirin. Gelê Amûdê gumanê dike, ku "bêdengiya berî bahozê" êdî bi dawî hat û di wê baweriyê de ne, ku êdî dora bajarê wan hat. [Bixwîne]

06.04.2004 - 19:36
Kurdên Holandayê dê biçin pêşiya Parlamana Holandî

DEN HAAG (amude.com) - Yekîtiya Komeleyn Kurdn Sriy li Holanda dê sibe xwepêşandanekê li pêşiya Parlamana Holandayê li bajarê Den Haag li dar xîne. Komîteyek ji yekîtiyê dê doseyeke ji berhem û belgeyên êrîşên rêjîma Suryayê li dijê kurdan radestî parlamanê de bike. Herweha ew dê doza sazkirina pendeke n di peymana hevkariyê ya ewrop-sur bike. Kurdên Holenda dixwazin ku bendeke ji bo "demokrasiyê ji bo Suriyayê herweha areseriyek demokras dadperwerane ji bo doza kurd li Suriyayê" di peymanê de bête sazkirin. Xwepêşandan dê demjimêr 13.30 dest pê bike.

05.04.2004 - 15:21
Ebdilbaqî Yusiv nehatiye binçavkirin

QAMIŞLO (amude.com) - Sekretêrê Partiya Yekîtî ya Kurd li Suryayê Ebdilbaqî Yusiv azad e û ji aliyê rêjîma surî ve nehatiye binçavkirin. Malpera Qamişlo.com di nûçeyeke xwe ya di beşê erebî de radigihîne, ku Yusiv hatiye binçavkirin. Ebdilbaqî Yusiv di rêya axaftineke telefonî de li gel peyamnêrê Malpera Amûdê li Qamişloyê eşkere kir, ku ti kesî ew binçav nekiriye.

04.04.2004 - 17:17
Nivîskar Mihemed Xanim serbest hate berdan

QAMIŞLO (amude.com) - Doh bi şev, nivîskarê ereb ê surî Mihemed Xanim ji zindana "Firaa Filstîn" a li Şamê serbest hate berdan. Dostê kurdan Xanim ji ber nivîs û helwesta xwe yên piştgir ji bo gelê kurd di 23ê adara borî de ji aliyê rêjîma surî ve hatibû binçavkirin. Xanim di zindanê de bi şêweyekî nemirovane dihat işkencekirin.

04.04.2004 - 12:44
Semînarek li gel Dr. Ebdilbasit Seyda di paltalkê de

DORTMUND (amude.com) - Lêkolînerê kurd Dr. Ebdilbasit Seyda dê îroj bibe mêvanê "Koçka Serhildana Qamişlo" di paltalkê de û li ser bûyerên li başûrê-rojavayî Kurdistanê biaxive. Semînar dê demjimêr 21.00 dest pê dike.

02.04.2004 - 21:14
Li Amd ciwanek kurd hate girtin

AMD (amude.com) - Ciwan kurd bi nav Şrgo Beşr Ynis (22) roj li bajar Amd li Kurdistana Suriy hate girtin. Li gor agahiyn peyamnr me, hzn ewlekariy Şrgo bi xwe re bir Qamişloy. Sedemn girtina w hn nediyar in. Hate ragihandin ku dibe ku ew ji ber byern di Serhildan de hatibe girtin.

02.04.2004 - 19:18

Sîrwanê Hecî Berko
Hevpeyvînek Radyoya Aştî li gel berpirsê Malpera Amûdê

STOCKHOLM (amude.com) - Îroj, radyoya Aştî ya kurdî li paytexa Swêdê Stockholm li ser rewşa başûrê-rojavayî Kurdistanê hevpeyvîneke dirêj li gel berpirsê Malpera Amûdê Sîrwanê Hecî Berko pêk anî. Hêjayî gotinê ye, ku radyoya Aştî bernameyên xwe zêde kiriye û weşanên xwe di van rojan de dike: yekşem, demjimêr 20-22 var; sşem, çarşem n, demjimêr 12:00-13:00 nvro. [Li hevpeyvînê guhdar bike] [www.radioasti.com]


02.04.2004 - 02:24
Kurdistaniyan kurdên Binxetê bitenê şand Parlamana Ewropayê li Strasbourg

STRASBOURG (amude.com) - Çarşema borî, dora 1500 kurdên başûrê-rojavayî Kurdistanê xwepêşandaneke aştiyane ji bo protostokirina êrîşên rêjîma Suryayê li dijî kurdên Binxetê li bajarê fransî Strasbourg pêk anîn. Xwepêşandan li pêşiya avahiya Parlamana Ewropayê bi dawî bû. Komîteyek ji partiyên kurdên Binxetê li gel çend endamên parlamanê civiyan û ji wan re bûyerên li Kurdistanê eşkere kir. Parlamenteran nerazîbûna xwe ji bo êrîşên li dijî kurdan eşkere kir û soza hewildana şandina komîteyekê ji parlamanê bo Kurdistanê da nûnerên kurdan. Li gel ku xwepêşandan bi navê partiyên kurdistanî hatibû amadekirin, lê ji beşên din ên Kurdistanê ji bilî çend kesan, ti beşdarbûneke berbiçav ji aliyê kurdistaniyan ve tunebû. [Li wêneyan temaşe bike]

Berdewam bike (Erşîva meha 03/2004)