www.amude.com


www.amude.com - giştî, lîberal, serbixwe
Malpera Serhildana Qamişlo

www.serhildanaqamislo.com

navête@amude.com

  nav
  şifre


emailekê ji xwe re çêke

Berxwedana Qamişloyê di televizyona swêdî de

Raport, 16.03.2004

News in English

www.kurdmedia.com/

Çalakiyên protestoyê li cîhanê

www.qamislo.com

Navn şehd birndar girtiyan

www.qamislo.com

Erebî - Arabic

www.qamislo.com

Vîdyo
- berxwedanA LI QAMIŞLOYÊ (I)

- berxwedanA LI QAMIŞLOYÊ (II)
Berxwedana Efrînê
Birîndarên Qamişloyê
Şehîdên berxwedanê


Gîvara Xelef Biro



Xesan Qadê Qincer (22, Hisiça)



Welîd Bedrî Şahîn



Idrîs Remedan (28 sal ji Qamişlo, bav ar zarokan





Konsêrta Yekîtiya Hunermendên Başûrê-rojavayî Kurdistanê - 03.04.2004 - Herne (Elmanya)
Xwepêşandaneke kurdistanî li Strasbourg (Fransa)

Li pêşiya Parlamana Ewropayê
31.03.2004, demjimêr 11.30

Amadekar: Partiyên Kurdistanî

Roja 7an ji berxwedanê

18.03.2004

23:28 - Di hevpeyvînekê de li gel radyoya "Zayele", serokwezîrê Swêdê Gran Persson pirsa rojnamevanên kurd Cemal Batun û Nassir Sina derbarî helwesta Yekîtiya Ewropayê li ser bûyerên li Sûryayê ragihand, ku ji ber bûyerên li Medrîd û Kosovo Yekîtiya Ewropayê ta niha nerîna xwe eşkere nekiriye. Persson nerazîbûna xwe li hemberî bûyerên li Sûryayê eşkere kir.


15:05 - Rojnameya Washington Times: "Divê piştgiriya Kurdên Sûryayê bête kirin!" [Bixwîne]
12:28 - Rêjîma sûrî ragihand partiyên kurdî: "Xewn e, ku em girtiyan serbest berdin!"
12:20 - Xisara ku li bajarê Hisiça çêbûye, dora 800 milyon lêreyên sûrî dike
12:13 - Leşkerên sûrî fîşekên qedexekirî bi kar tînin û birînan dijwartir dikin
12:10 - Niha bajarê Efrînê tê bombekirin
11:55 - Xortekî kurd ji Şamê ji bêrîkfona xwe, ya ku hîn pê re ye, telefonî jina xwe kir û jê re got, ku ew û hejmareke din a mezin ji kurdan li beyabanekê (sehraa) ne û ew nizanin bê leşker dê wan bibin kû derê
11:37 - Kurdên ku leşkeriya Sûryayê dikin, ragihandin, ku çek ji wan hatine standin û ew niha bê çek in.
11:18 - Niha hêzên leşkerî bi çek û gaza rijandina hêsiran êrîşî kurdan li Efrînê dikin
08:46 - Partiyên kurdî li Sûryayê li hev kir, ku Newroz neyê cejinkirin û ew roj bibe roja protestoyê û reşgirêdanê
08:45 - Parlamentern Kurd n Parlamna ran ji Beşar el-Esed re nameyek şand xwestin ku zilma li ser kurdan bi dawî bibe û d mafn mirovan neyn binpkirin ji bo demokratkbn gav bne avtin.


Roja 6an ji berxwedanê

17.03.2004

18:53 - Dora 4000 kurdên mêr ên taxal "Zorava" li Şamê hîn binçavkirî ne


16:42 - Dora 3000 kurd îroj li Brûkselê li pêşiya avahiya Parlamana Ewropayê çalakiyeke protestoyê li dijî êrîşên rêjîma Sûryayê li dijî kurdan pêk anî.
16:17 - Bang ji bo kurdên li Swêsra û li welatên din: Biçin cem Xaça Sor a li bajarên xwe û doza şandina alîkariyê ji bo kurdên li welat ji wan bikin. Çiqasî daxwaz ji wan bête kirin, ewqaî derfet mezintir dibe, ku ew bi bê yekê rabin.
16:15 - Doh li Hisiçayê, pîremêrek kurd ji aliyê ereban ve bi kêran hate şehîdkirin.
15:08 - Hejmareke mezin ji erebên Dêra Zorê bi çekan ketin bajarê Amûdê û xwestin êrîşê bikin. Amûdî ketin pêşiya wan û hêzên leşkerî nehişt ku şer çêbibe.
12:20 - Rêjîmê av û elektrîk li ser bajarê Kobanî qut kiriye
11:30 - Komeleya Nivskarn Kurd li Swd: "Kurdn Başr Rojava: tekoşna we ji bo hem kurdan serfiraz rmeteke bhempa ye. Hun ne bi ten ne hem kurdn xwedrmet xretkş bi her awah li cem we ne piştgiriya we dikin. Em şehdn xwe bi serfiraz bi rmet bi br tnin. Ew rmet serfiraziya gel me ne."
11:12 - Rêxistinên Mafên Mirovan li Sûryayê dê îroj biçin Qamişloyê, da ku li rewşa kurdan temaşe bikin. Partiya Pêşverû ya Kurd li Sûryayê telefonî wan kiribû û ji wan xwestibû, ku neçin Qamişloyê.
11:02 - Keçên xwendekar li Zanîngeha Helebê ji ber tirsa êrîşên cinsî ji aliyê hêzên leşkerî ve li odeyên xwe xew nakin û diçin malên kurd
10:20 - 40 kurdên zindankirî karîbûn ji zindaneke li Şamê birevin
10:08 - Li Duhokê xwepêşandaneke mezin li dar ketiye


Roja pêncan ji berxwedanê

16.03.2004

23:33 - Hemû bajarên kurdî dorpêçkirî ne û binçavkirina kurdan berdewam e


23:32 - Li Efrînê keçeke 16e salî bi navê Mizgîn Hemduş 4 leşker kuşt û çendên din birîndar kir. Ew jî hate kuştin
23:30 - Îşev bi tirêneke dirêj hejmareke mezin ji hêzên taybetî "Heres Cemhurî" gihan Helebê
23:07 - Xwarin, vexwarin û derman li başûrê-rojavayî kêm bûne, birçîbûnê dest pê kiriye
23:04 - Rêjîma Sûryayê girtiyên kurd di salonên şahiyan de li bajarên kurdî zindan kirine
22:23 - Niha li Qamişloyê dengê teqîneke mezin û fîşekan hat; hîn ne diyar e mesele çi ye.
12:50 - Pijîşkekî kurd ji Efrînê ragihand, ku 4 ciwanên kurd û 4 leşker hatine kuştin
11:06 - Taxa kurdan Eşrefiyê li Helebê hatiye dorpêçkirin û hejmareke mezin ji kurdan birîndar bûne, yek ji wan Luqman Brîmko ye
10:58 - Li Efrînê kurdek şehîd ket
10:42 - Kurdên Swêdê dê demjimêr 13.00 li pêşiya Parlamana Swêdê li Stockholmê bicivin
10:25 - Xwendekarên kurd li Helebê ji aliyê hêzên leşkerî ve hatine dorpêçkirin
10:23 - Li gelek bajaran bibîranîna Helebçeya şhîd pêk tên û leşker êrîşî wan dike
10:21 - Li Qamişloyê leşker êrîşî bibîranîna helebçeya dike û kurdan ji hev belav dike
10:05 - Hêzên leşkerî êrîşî grûpeke ji kurdan li Qamişloyê kir û hin ji wan birîndar kir û tê gotin, ku hin kes şehîd ketine
09:52 - Sibe, demjimêr 14:00, xwepêşandanek li Oslo
09:13 - li başûrê-rojavayî Kurdistanê û herweha li Sûryayê, kurd dê demjimêr 10:45 ji bo bibîranîna Helbçeya şehîd 5 deqeyan bêdeng bimînin.
90:01 - Kurdên Australyayê dê sibe li Sydney, Town Hall, demjimêr 13.00, xwepêşandanekê li dar xînin
09:00 - Îro li Paris, Place De la Republique, demjimêr 18.00, xwepêşandaneke kurdan
08:52 - Nûnerine emerîkî li Sûryayê ne û li gel hikumetê derbarî êrîşên li dijî kurdan guftûgo dikin
08:31 - Merwan Osman, Ibrahîm Xelo, Ebdulsemed Xelef û Mesum Mihemed Elî serbest hatin berdan


Roja çaran ji berxwedanê

15.03.2004

21:23 - Merwan Osman, Ibrahîm Xelo, Ebdulsemed Xelef û Mesum Mihemed Elî (Partiya Yekîtî) hatin binçavkirin


17:43 - Li bajarê Bonn li Elmanyayê xwepêşandanek dest pê kir
16:25 - Kurdên di balyozxaneya ya Sûryayê li Swêsrayê de li ser awazên dahol û zurnê strana "Ey Reqîb" distirên
16:15 - Kurdên Swêdê li gel berpirsên balyozxaneya Emerîkayê li Swêdê û herweha li gel nûnerên Parlama Swêdê re rûniştin û rewşa li başûrê-rojavayî Kurdistanê eşkere kirin
16:10 - Kurdên Swêsrayê balyozxaneya Sûryayê li Swêsrayê dagîr kirine
15:33 - Li jêr dirûşma "Qamişlo Helebçe ye" xwendekarên zanîngeha Selaheldîn li Hewlêrê xwepêşandanek ber bi Parlemana Kurdistanê ve kir û piştgiriya kurdên Binxetê kir
15:27 - Li Amedê bi hezaran kurd piştgiriya kurdên Binxetê dikin û rêjîma Sûryayê protesto dikin
15:20 - Komîteyek ji kurdên Holendayê li gel berpirsên Wezareta Derve ya Holendayê rûniştin û doza piştgiriyê kir
14:58 - Malbata Paşê li Serê Kaniyê tê êrîşkirin û talankirin
14:53 - Li bajarê Amûdê di rêya mizgefta bajêr ya navendî ji kurdan re tê gotin, ku biçin karê xwe û dikanên xwe vekin; kesê ku vê yekê neke, dikan wî dê bi zorê bête vekirin û ew dê bête zindankirin +++ 4 kamyonên hêzên leşkerî yên taybetî yên din derbasî bajêr bûn
14:39 - Mala Seydayê Tîrêj li Hisiçayê hate talankirin
14:38 - Malpera Qamişlo.com li Qamişloyê venabe
14:37 - Li Qamişloyê bêtirî 2000 kurd hatine binçavkirin; leşker girtinan berdewam dikin
14:36 - Kurd niha li pêşiya balyozxaneya Sûryayê li Berlînê ne û êrîşî rêjîma Sûryayê dikin, hin ji wan keviran diavêjin balyozxaneyê
13:57 - Bi hezaran kurd hatine zindankirin
13:51 - Hikuemt daxwazên partiyên kurdî yên derxistina leşkeran ji Kurdistanê, serbestberdana hemû girtiyên kurdî yên siyasî û dadgehkirina kesên berpirsiyarên komkujiyê nepejirandin û gef li wan xwar, ku komkjiyeke mîna "Komkjiya Hema" pêk werîne. Di "Komkjiya Hema" de, bi deh hezaran ereb li bajarê Hema hatin kuştin.
13:42 - Nivîskar û hunermendên Duhokê piştgiriya kurdên başûrê-rojavayî Kurdistanê dikin û êrîşên li dijî wan şermezar dikin
13:36 - Li Berlînê hunermend Şivan Perwer stranên neteweyî dibêje û kurd pê re distirên
13:25 - Li bajarên Binxetê leşker mal bi mal digerin û kurdan binçav dikin
13:23 - Li Stenbolê, IHD li dijî siyaseta Sûryayê protesto dike
13:20 - Xaça Sor a elmanî amadekariya xwe ji bo alîkariya birîndarên li Binxetê eşkere kir
12:53 - Xwendekarên kurd li Zanîngeha Bexdadê, yekîtiyên parêzger û oldarên Kurdistanê komkujiya li Qamişloyê şermezar dikin û bangî bidawîbûna êrîşên li dijî kurdan dikin
12:47 - Dora 10.000 kurd li Berlînê êrîşên rêjîma Sûryayê li dijî kurdan protesto dikin - çalakî ta demjimêr 18.00 berdewam e
12:35 - Kurdên li taxa "Zorava" ya kurdan li Şama paytext têne binçavkirin
12:35 - Hêzên ewlekariyê yên sûrî ji şeveqê ve dest bi binçavkirina xwendekarên kurd li Heleb û Şamê kirine
12:20 - Kurdên Belcîka li Instîtuya Kurdî li Brûkselê ketine greva birbn
12:03 - Xwendekarên Zanîngeha Silêmaniyê xwepêşandanekê pêk tînin
12:02 - Li Berlîn û Stockholm xwepêşandan dest pê kirine
11:17 - Xaça Sor a Holendî dê ji bo alîkariyê hin kesan bişînin Qamişloyê
11:06 - Hêzên ewlekariyê dest bi binçavkirin û terorkirina kurdan kir
10:59 - Li bajarê Freiburg li Elmanyayê xwepêşandanek, demjimêr 15.00 li Augestina Platz
10:56 - Mistefa Cuma serbest hate berdan
10:10 - Sekretêrê Partiya Hevgirtina Gel a Kurd li Sûryayê Mistefa Cuma li Helebê hate binçavkirin


Roja siyem ji berxwedanê

14.03.2004

17:52 - Li Amûê xwepêşandanek dest pê kir


16:26 - Li Qamişloyê ji pirbûna leşker û çekên giran kurd nikarin ji malên xwe derkevin
16:21 - Li Kobanî dibistanek û stasyona polîsan hate şewitandin +++ birîndarek heye
16:19 - Roja sêşmê li pêşiya Perlemana Danmarkê li Kopenhagen xwepêşandanek, demjimêr 16.00, tel: 004551299496
16:07 - Hêzên leşkerî yên taybetî ketin bajarê Amûdê
15:45 - Tevgera Kurdî bi Mihemed Mensura re rûnişt û doza bidawîbûna êrîşên li Hisiça kir. Herweha wê doza serbestberdana girtiyên siyasî yên kurd kir û doza xistina pirsa kurdî di rojeva pirsa siyasî li Sûryayê de kir +++ Nûnerên tevgerê bi nûnerên aşurî û filehan re danûstandin pêk anîn û niha bi serokên eşîreyan re didin û distînin û dixwazin eşkere bikin, ku mesele ne şerê kurdî-erebî ye
15:18 - Pira navendî li Qamişloyê ji aliyê leşkeran ve hatiye girtin û ti kes nikare wê derbas bike
15:17 - Li taxa "Zorava" li Şamê jî şehîd ketine û talankirina Hisiça û Serê Kaniyê berdewam e
14:44 - Li Kobanî û Helebê çalakiyên protestoyê pêk tên
14:42 - Dora 2000 kurd li bajarê Amesterdam li Holendayê xwepêşandanekê li dar dixin
13:45 - Ji Şamê û Helebê tirên û otobusên tije leşker û çekê giran gihane Qamişloyê û berê xwe dane Hisiça
13:43 - Hikumetê raportvanên kanalên televizyonê yên erebî girtine
13:40 - Hejmara şehîd û birîndarên Hisiçayê deqe bi deqe mezintir dibe +++ Nexweşxane tije bûne
12:10 - Qamişlo hatiye dagîrkirin
12:09 - Nexweşxaneyên Qamişloyê tije ne
12:08 - Ji Hisiçayê agahdarî şehîdketina 7 kurdan gihan me
12:07 - Li Hisiçayê ereban cilên jinan ên kurdî bi tirimbêlên xwe daliqandine û dibêjin "emê namûsa kurdan talan bikin"
11:02 - EREBÊN XEMIR LI TAXÊN EZÎZIYÊ Û SALHIYÊ LI HISIÇAYÊ BI ÇEKAN ÊRÎŞÎ KURDAN DIKIN Û KURD LI HÊVIYA ALÎKARIYÊ NE
10:32 - Li Düsseldorf li pêşiya balyozxaneya Emerîkayê xwepêşandanek, demjimêr: 13.00
10:31 - Li bajarê Zürich li Swêsrayê xwepêşandanek, Helvetia Platz, demjimêr 15.00
09:52 - Li bajarê Kobanî jiyan rawestiyaye
09:35 - Li bajarê Dêrikê, bi hezaran kurdan derketine kolanan û dê şehîdên xwe veşêrin
09:20 - Îroj, ji demjimêr 14.00-15.30 dê bernameyeke taybetî li ser bûyerên li başûrê-rojavayî Kurdistanê di "ROJ tv" de bi şêweyekî zindî bête pêşkêşkirin
09:15 - Jiyan li başûrê-rojavayî Kurdistanê berdewam nebûye, ti kes neçûye kar û ne jî dibistanan
09:13 - Hêzên ewlekariyê li dora Qamişlo rawestiyane û nahêlin ti kes bikeve bajêr
09:03 - Partiyên kurdî li Sûryayê bangî rawestandina xwepêşandan û çalakiyên protestoyê yên li bajarên başûrê-rojavayî Kurdistanê dikin û 3 roj şînî ji bo giyanê şehîdan îlan kirin
09:01 - Hêzên leşkerî hîn jî li Qamişloyê ne
08:43 - Îroj, li Bremen (Lagerhaus/Sielwahl) demjimêr 11.00 xwepêşandan
08:41 - Li navenda bajarê Minden li Elmanyayê xwepêşandanek, demjimêr 15-17
08:40 - Îroj, demjimêr 13:00, li Amesterdam xwepêş,andanek li dar dikeve; civîn li DAMê
08:35 - Hejmarek mezin ji girtinên Brûkselê serbest hatin berdan; hin kurdên ku paseportên wan tune ne, hîn girtî ne û dê bo berpirsyarên holendî bêne radestkirin
02:12 - Partiyên Kurdî li Serê Kaniyê ji kurdan dixwazin, ku çalakiyên protestoyê rawestînin

Roja duyem ji berxwedanê

13.03.2004

200 kurdan balyozxaneya Sûryayê li Brûksel dagîr kirine û ala Kurdistanê bilind kirine +++ Li Serê Kaniyê ereb diziya dikanên kurdan dikin +++ Kurdistan TV jî êdî agahiyan diweşîne, lê bi kurtî û giştî +++ Navên du şehîdên Dêrikê: Welîd Bedrî û Hesen Nûrî +++ Li nexweşxaneyên Qamişloyê kîsên xwînê nemane +++ Polîs nahêlin ku kurd bikevin nexweşxaneya neteweyî ya li Qamişloyê; dektorekî ragihand, ku hejmareke mezin ji kesine mirî li wir hene +++ Li Serê Kaniyê û Hisiça ereb êrîşî kurdan dikin û kurd jî êrîş,an vedigerînin +++ Hemîdê Hecî Derwîş ne birîndar e û ne jî hatiye kuştin +++ Li nexweşxaneyên Qamişloyê kurd xwîna xwe didin +++ 2000-3000 kurd li Stockholmê berê xwe dane balyozxaneya Emerîkayê +++ Li Amûdê bank (mesref), beledî û Navenda Çandî hatin şewitandin +++ Hêzên ewlekariyê nahêlin, ku xwendekarên kurd ji xaniyên xwendekaran derkevin +++ Li Serê Kaniyê êrîşên li dijî dezgehên hikumî û şewitandina tirmbêlên polîsan +++ Bi hezaran ji xwendekarên kurd ên zanîngehên Heleb û Ş,amê xwepêşandan pêk anîn +++ Li Amûdê 2 polîs hatine kuştin +++ Li Dêrikê kurdek hate kuştin, yek di xeterê de ye û dora 5 kesan birîndar in +++ Li Girkê Legê jî xwepêşandan +++ Hêzên leşkerî peykerê hafiz el-Esed ê li navenda Qamişlo ji êrîşan diparêzin, hemî peykerên din hatine xistin +++ Li Serê Kaniyê jî xwepêşandanek li dar ketiye, dora 1000 kesan +++ Gumrika Qamişloyê hate şewitandin û polîsan êrîş kirin, dora 15 birîndar +++ Amûdiyan dest bi şewitandina instîsyonan kirine +++ 5 birîndar li Amûdê +++ Li Qamişloyê leşker êrîşî kurdan dikin +++ Li Amûdê kurdan alaya Partiya Beis rakirin û ya kurdî danîne şûna wê û herweha peykerên el-Esed ê li ser rêya Qamişlo xistine +++ Kontrol li ti derê nemaye, rewş kaos e +++ Kurdên Dêrikê jî derketine kolanan +++ Li Amûdê kurdek hate kuştin, kurdan êrîşî dadgeha bajêr, stasyonên polîsan û bîroya Partiya Beis kirin +++ Polîs fîşekan diteqînin +++ Li bajarê Amûdê bi deh hezaran kurd derketine kolanan +++ Kesek li mala xwe nemaye +++ Ti kes neçûye karê xwe +++ Wêneyên şehîdan û yên serokên kurdan hatine bilindkirin +++ Kurdan al û nexşeya Kurdistanê bilind kirine ++ Bi sed hezaran kurd şehîdên xwe ji camiya "Qasimo" derxistin û ber bi goristanê ve dimeşin û hêzên leşkerî nêzîk nebûne, li navnda bajêr rawestyane +++ Hêzên leşkerî li navenda bajêr kom bûne +++ Kurd li ser rêya Amûdê kom bûne û denfê teqandina fîşekan tê +++ li Qamişloyê kurd Li cem camiya "Qasimo" li hev civiyane +++ Polîsan rêyên çûna Qamişlo girtine û nahêlin kurdên ji bajarên din bikevin bajêr +++ Kurdên Swêdê dê demjimêr 14.00 Ji bo rzgirtin li çileya şehdn Hewlr li Sergelstorg-Stockholm li hev bicivin û piştre berê xwe bidin balyozxaneya Emerîkayê, da ku bûyerên li Qamişloyê protesto bikin

Ji daxuyaniya partiyên kurdî li Sûryayê:
- Em ji "Amnesty International" û rêxistinên mafên mirovan ên Netewên Yekbûyî (UN) doza lêkolînan derbarî bûyerên li Qamişloyê dikin
- Em dixwazin bi serok Beşar el-Esed re rûnên û wêneyê bobelata rast a li Qamişloyê ragihînin wî
- Em dixwazin ku kesên berpisiyar bêne tawanbarkirin
- Em dixwazin ku gelê kurd bi tevgera xwe re be û bêhna xwe fireh bikin

Roja yekem ji berxwedanê

12.03.2004

Li Qamişlo şer e ++ dora 19 kurd hatine kuştin ++ 100 birîndar ++ polîs êrîşê dikin +++ kolan hatine girtin ++ Parêzgeh fermana kuştinê da +++ Cemawer ji stadyomê hatin derxistin ++ Bîroyên "Dicle" û "Medya" li Dêra Zorê hatin şewitandin +++ Debabe ketine Qamişlo ++ li nexweşxaneya "Ferman" 13 kuştî +++ Dezgehên erebî li Qamişloyê têne şewitandin +++ Berxwedan berdewam e +++ Rêxistinên Siyasî li hev dicivin +++ Peykerê Esed hate şikandin û xistin +++ dibistana "Erebistan" hate şewitandin +++ Gumrika bajêr hate şewitandin +++ Qamişlo hatiye "zindankirin" +++ Rê hatine girtin +++ Wêneyên Beşar el-Esed têne şewitandin +++ Meşeke mezin ji bo sibe tê amadekirin +++ Hêzên leşkerî ji bajarên din têne Qamişlo +++ Xetên telefonan hatine girtin +++ Rawestgeha tirênê hate şewitandin +++ Kurdên Şamê derketine kolanan +++ Xwendekarên kurd li Zanîngeha Şamê protesto dikin +++ Wezîrê karûbarê Hundirîn ê Sûryayê giha Qamişloyê +++ Li Dêrê, otobusek ji aliyê dêriyan ve hate êrîşkirin, kurdek hate kuştin +++ Kolan bi zorê vala bûne +++

QAMIŞLO (amude.com) - û erebên ji Dêra Zorê êrîşe hev kirin û ta niha bêtirî 10 kurd hatine kuştin. Li gorî agahiyên ku ji me re hatin, Gîfara Bedran Xelef, Ehmed Xelîl, Mihemed Emîn Mihemed, Mihemed Ebdilrezaq û Idrîs Remedan hatine kuştin. Hemû jî 20 salî ne. Dora 2000 ji cemawerên ereb berî lîskê bi parolên mîna "bi can, bi dil, em bi te re ne, ey Sedam" di hundirê bajê re dimeşiyan û êrîşî dikanan kirin. Herweha wan sixêf ji serokên kurdan Barzanî û Talabanî re dikirin. Hate ragihandin, ku dema ketina stadyomê, cemwerên mêvan ên ereb nehatin kontrolkirin. Wan divançe bi xwe re rahiştibûn û bêrîkên wan tije kevir bûn. Cemawerên ereb êrîşî kurdan kirin û ev yek bû sedema êrîşan ji aliyê kurdan ve. Li gorî agahiyên hin ji beşdaran, polîsên amade piştgiriya ereban dikir û ew bûn sedema ku hêrsa kurdan mezintir bû. Rewş ji destê polîsan derketiye û ew bi devançe û tivingên xwe fîşekan diteqînin û êrîşî kurdan dikin. Dora 100 kesên birîndar di nexweşxaneyên Qamişloyê de ne. Kolanên bajêr hatin girtin û polîs nahêlin, ku ti kes di kolanan de bigerin.

Derbasî malperê bibe