|
|
|
11.03.2006 - 14:39
|
[ 1817 caran hatiye xwendin ]
[ çap bike  ]
|
----------------------------------------------------------------------------------
Kurdan xatirê dawî ji Seed Mihemed xwest
amude.com
AMÛDÊ (amude.com) - Bi hezaran kesan îroj xatirê dawî ji çalakvanê kurd Seed Mihemed xwest. Mihemed li gundê jidayikbûna wî Hecî Nasir nêzîkî bajarê Amûdê li Kurdistana Suriyê hate binaxkirin. Nûnerên rêxistin û partiyên kurdî û herweha kesayetiyên civakî û olî beşdarî merasîma veşartina Seed Mihemed bûn. Partiya Yekîtî ya Kurd li Suriyê bi şêweyekî fermî pêşwaziya cenazê Mihemed kiribû. Komek axavtin hatin kirin, tê de li ser rola Seed Mihemed a neteweyî û civakî û xebata wî ya ji bo Doza Kurdî hate rawestandin. Çalakvanê Seed Mihemed di 6ê vê mehê de li bajarê Wolfsburg ê elmanî di bûyereke trafîkê de jiyana xwe ji dest da. Wî 38 sal kiribûn û jin û keçeke sê mehî li dû xwe hiştin. Malpera Amûdê hin dîmenên merasîmên binaxkirina wî li vê derê diweşîne:
Helbestvan û nivîskar Konê Reş (xezurê Seed) gotinekê pêşkêş dike |
hesen Salih, sekretêrê Partiya Yekîtî ya Kurd li Suriyê, diaxive |
Şêx Muradê Xeznewî (kurê şehîd Şêx Meeşuqê Xeznewî) gotinekê pêşkêş dike |
Komên folklora kurdî di nav beşdaran de bûn |
|
|
|
|
|
|
